Cun l pest "Prestazions d’ezelënza 2026 - ulentariat dla junanza" unerea l Tirol, Südtirol y l Trentin l mpëni de ulentariat ezeziunel tl lëur extrascolastich cun mutons y mutans y jëunes y jëuni. La zerimonia de premiazion de chëst ann ie stata tl NOI Techpark de Bulsan. De ndut iel unì premià 21 persones singules, ot pruiec dl’Euregio Tirol-Südtirol-Trentin y un n pruiet sëura la sëides di raions singuli ora.
L presidënt dl’Euregio y cumandant dl Tirol Anton Mattle à sotrissà che "l ulentariat ie na seva da ne pudëi nia se mpensé demez per nosta cumenanza – tl Tirol coche nce te Südtirol y tl Trentin. I jëuni y la jëunes che se dà ca cun mpëni tl ulentariat se sëurantol respunsabltà, fej unì su cumenanza y porta pro ativamënter a plasmé nosc daunì. Cun l pest ‘Prestazions d’ezelënza 2026 - ulentariat dla junanza’ purtons adum chësc mpëni, l metan a lum tl cuntest dl’Euregio."
"L ulentariat viv de gra ala persones che se tol su respunsabltà y se mpënia per i autri, dajan ca per ëi si tëmp, si ideies y si energies. Dantaldut l mpëni dla jëunes y di jëuni desmostra tan granda che ie la respunsabltà, la cuejon y l urientamënt de viers dl daunì da pert dla proscima generazion," à sotrissà la vizepresidënta dla Provinzia Autonóma de Bulsan Rosmarie Pamer.
L vizepresidënt dla Provinzia Autonóma de Trënt Achille Spinelli à da si pert auzà ora la mpurtanza dl mpëni ulenter dla jëunes y di jëuni sëura la sëides de rujeneda y de raion ora: "Ncuei zelebrons l cuer che bat de nosc raions: i jëuni y la jëunes che tol la dezijion de ti scinché si tëmp ai autri. A udëi mutans y mutons jëuni y assoziazions dl Trentin, de Südtirol y dl Tirol che cunlëura sëura i cunfins ora nes fej unì capazi y stolc: chësc desmostra che l’Euregio ie na realtà viva, fata de solidarietà y respunsabltà."
Cin’ jëunes y jëuni ulenteres de Südtirol ie unii premiei per si mpëni speziel. Si meric vën ora da si lëur cun i jëuni y cun la lies dal sport, dal lëur pra scumenciadives sozieles y de dlieja. Oradechël iel unì premià trëi pruiec che desmostra te na maniera ejemplera tan d’uni sort y inuvatif che l ulentariat di y cun i jëuni te Südtirol ie.
Coche pruiet sëura la sëides di raions singuli ora iel unì premià l’EuregioYoungJury dl Filmclub Bulsan. L pruiet tol ite jëunes y jëuni dl Tirol, de Südtirol y dl Trentin tl cuntest dl Bulsan Film Festival per ti cialé ai films, rujené te descuscions deberieda y sëurandé pona n pest.
Deplü informaziuns
Personen premiedes y pruiec premiei - "Glanzleistung – das junge Ehrenamt 2026"
Persones premiedes de Südtirol:
- Alexandra Felderer, Katholische Jungschar Südtirol
- Fabian Haas, Sozietà Juech dala Codla, Auer
- Jacqueline Kneissl, Zënter di Jëuni Partschins INSIDE EO
- Christian Mair, Apustolat di Vierces Südtirol
- Giulia Salvi, AGESCI (Assoziazion Generela Espluradëures y Scouts Catolics Talians)
Pruiec premiei de Südtirol:
- "8-13 – PEACE & CRI", Cumitat provinziel de Südtirol dla Crëusc Cuecena Taliana
- Pruiec de gaming, DUNG VFG (Assoziazion per la prumuzion dla cumenanza)
- Cor di Jëuni Kyrios, Kyrios EO
Persones premiedes dl Tirol:
- Diana Fankhauser, Österreichische Wasserrettung
- Dominik Fritz, Landes-Feuerwehrverband Tirol
- Gregor Knittelfelder, Sportunion Tirol
- Markus Lechner, Diözese Innsbruck – Katholische Jugend
- Martin Loinger, Tiroler Landesschiverband
- Mathias Mazagg, Tiroler Mittelschülerverband
- Magdalena Moser (nasciuda Goller): Judo Union Raiffeisen Osttirol
- Michael Müller, Allgemeiner Sportverband Österreich (ASVÖ)
- Sabrina Prislan, Judo Union Raiffeisen Osttirol
- Sabrina Steiner, Blasmusikverband Tirol
- Manuel Unterberger, Landesverband der Tiroler Pfadfinder und Pfadfinderinnen
Pruiec premiei dl Tirol:
- "Alles steht Kopf", Landesschülervertretung Tirol
- "Insa Zukunft in kloane Händ", Jungbauernschaft/Landjugend Aurach bei Kitzbühel
Persones premiedes dl Trentin:
- Jacopo Bellato, Protezione Civile A.N.A. Trento
- Daniele Campostrini, Coro Monte Vignol Avio
- Diego Ferdinelli, Associazione Sportiva Dilettantistica Atletica Rotaliana
- Leonora Vadagnini, Associazione Musicale Aurona
- Elisa Valle, Centro Tesino di Cultura
Pruiec premiei dl Trentin:
- InsideOut, Associazione We Ink Social Lab
- Progetti musicali con concerti, masterclass e promozione musicale mujiga de Ala
- Attività del Gruppo Allievi, Destudafuech Tassullo
BULSAN (USP)
kat