Pe via danef la scontrèdes didatiches de “L’Euregio che va a scontrèr la scoles sul teritorie trentin per l an de scola 2025/2026. L tour formatifl è peà via ai 6 de november dal Istitut Comprensif Trent 7 - Scola Mesèna Savino Pedrolli de Gardol e l jirà inant ogne jebia enscin a la fin del an de scola, col jir fora per sacotenc lesc de la provinzia.
La scomenzadiva, che la vel fèr cognoscer la Region europeèna da vejin diretamenter te clas, l’à vedù dassen n boom de adejions per l an de scola 2025/2026, ence de gra a neves laboratories interatives, fac en colaborazion col Servije Istruzion de la PAT. “La scoles les é un di nesc partner maores e, descheche disc i numeres, les tol su semper con gran gaissa la scomenzadives transfrontalieres. Rengrazion duc i ensegnanc per esser ambasciadores euroregionèi chiec per duta la touses e duc i bec de noscia provinzia”, l’à dit Elisa Bertò, raprejentanta per l Trentin aló dal Secretariat generèl de l’Euregio.
La gran domana de adejions l’à portà a serèr sù dantfora l formulèr de enscinuazion online, n muie dant dai 15 de otober coche l era stat programà. I dac i conferma l gran enteress: l projet l tol ite presciapech 30 scoles, per n total de 47 scontrèdes. Chest vel dir che vegn tout ite 72 clasc e presciapech 1.200 anter scolees e studenc tel temp de chest an de scola. La scomenzadiva la ruarà a tor ite na gran platea con la scola: da la populères a la scolles autes (licees, tecnics e profescionèi).
La proponeta didatica del projet, perferida debant dal personal del GECT Euregio, la é stata renovèda e la vegn portèda dant con desvalives laboratories tematics interatives. I intervenc, che i à na regnèda de doi-trei ores de scola, i perveit na prejentazion multimedièla, debatic, ativitèdes de grop e jeghes online per arjonjer n bon livel e aprendiment. Più avisa, la clasc les vgn spartides spartides fora te gropes per doventèr laboratories che cour argomenc desche n “Viac a la descorida de l’Euregio – olache sion, da olache vegnon”, “La chèrta de identità de l’Euregio – chi che sion” e l’analisa de “Che che ne met ensema e che ne desferenzia – desvalives ma ence che se someon n muie!”. Vegn nence tout su argomenc spezifiches desche “La colaborazion transfrontaliera – Che che fajon e perché?”, ejempies de projec Euregio, i lengac e la mendranzes linguistiches, e l workshop de Project Management Euregio.
A chesta moda, scolees e studenc, vidé da personal espert e da si dozenc, i podarà emparèr a na vida ledia e gustégola aspec emportanc su la storia che i trei teritories i à dessema e su l’istituzion del Grop European de cooperazion teritorièla Euregio Tirol-Südtirol-Trentin, tel chèder di percorsc de educazion zivica e de la zitadinanza.
Traduzion di Servijes Linguistics e Culturèi del Comun general de Fascia
(cdt)