GECT/Europaregion

L’Europaregion Tirol, Südtirol y Trentin se mostra a si populazion y vijitadëures a na maniera scialdi deferenzieda te si geografia, cultura y rujenedes. La ie furmeda da trëi raions da mont, uni un cun si particularieteies, ma nce cun truep elemënc che se semea. Trëi raions cunliei da na storia n cumenanza. Trëi raions cun na gran putenzialità de svilup.

Landkarte

Tl 2011 ie l’Europaregion Tirol, Südtirol y Trentin unida fundeda, n basa ala despusizion 1082 di 5 de lugio 2006 dl Parlamënt europeich, coche segonda GECT (Grupa europeica de cooperazion teritoriela) tla Talia (segonda tl’Austria) y 21ejima tl’Europa. L’Europaregion cun persunalità giuridica à ntlëuta nce giaurì n ufize a Bulsan che vën menà deberieda. La GECT coche grupa europeica de cooperazion teritoriela dëssa alesiré y sustenì danter si cumëmbri la culaborazion interregiunela, transnaziunela y transfruntaliera tl cheder de n pruzes de ntegrazion europeica.

Tl’Europaregion iel ntëur n 1,7 milions d’abitanc sun na spersa de ndut 26.255 km², partìi su sun la doi provinzies autonomes talianes Bulsan-Südtirol y Trentin y l  Bundesland austriach Tirol. L’Europaregion ie n raion d’ancunteda y tl medemo tëmp na plataforma de cultures y mentaliteies defrëntes che ruva tlo adum per se nrichì la una cun l’autra. L’idea dl’Europa se à fat streda. La puscibltà de pudëi crëscer adum a livel culturel, politich y economich vën nuzà. Tres la culaborazion sëura i cunfins ora vën l raion ntier valorisà, renfurzà y njinià ala desfidedes dl svilup economich y dl pruzes de globalisazion. Cuncretamënter toma tl ciamp d’azion dl’Europaregion duc i raions de vita de relevanza de si zitadins dala comunicazion, cultura y istruzion ala junëza, scienza y nrescida, dal’economia  y l turism nchin ala politica dl trafich, la sanità, la natura y l’energia.

Tl 2011 ie l’Europaregion Tirol, Südtirol y Trentin unida fundeda, n basa ala despusizion 1082 di 5 de lugio 2006 dl Parlamënt europeich, coche segonda GECT (Grupa europeica de cooperazion teritoriela) tla Talia (segonda tl’Austria) y 21ejima tl’Europa. L’Europaregion cun persunalità giuridica à ntlëuta nce giaurì n ufize a Bulsan che vën menà deberieda. La GECT coche grupa europeica de cooperazion teritoriela dëssa alesiré y sustenì danter si cumëmbri la culaborazion interregiunela, transnaziunela y transfruntaliera tl cheder de n pruzes de ntegrazion europeica.

Tl’Europaregion iel ntëur n 1,7 milions d’abitanc sun na spersa de ndut 26.255 km², partìi su sun la doi provinzies autonomes talianes Bulsan-Südtirol y Trentin y l Bundesland austriach Tirol. L’Europaregion ie n raion d’ancunteda y tl medemo tëmp na plataforma de cultures y mentaliteies defrëntes che ruva tlo adum per se nrichì la una cun l’autra. L’idea dl’Europa se à fat streda. La puscibltà de pudëi crëscer adum a livel culturel, politich y economich vën nuzà. Tres la culaborazion sëura i cunfins ora vën l raion ntier valorisà, renfurzà y njinià ala desfidedes dl svilup economich y dl pruzes de globalisazion. Cuncretamënter toma tl ciamp d’azion dl’Europaregion duc i raions de vita de relevanza de si zitadins dala comunicazion, cultura y istruzion ala junëza, scienza y nrescida, dal’economia y l turism nchin ala politica dl trafich, la sanità, la natura y l’energia.


Share:  Facebook google+ twitter